TANGAZO LA UGAWAJI WA VIWANJA AWAMU YA PILI KWA WALIOOMBA VIWANJA MANISPAA YA BUKOBA KATIKA MAENEO YA MAKONGO, BUHEMBE NA NSHAMBYA

TANGAZO LA UGAWAJI WA VIWANJA AWAMU YA PILI KWA WALIOOMBA VIWANJA MANISPAA YA BUKOBA KATIKA MAENEO YA MAKONGO, BUHEMBE NA NSHAMBYA

Halmashauri ya Manispaa ya Bukoba kwa ushirikiano na Dhamana ya Uwekezaji Tanzania (UTT) pamoja na Benki ya Posta Tanzania (TPB), inafurahi kutoa orodha ya awamu ya pili kwa waliopata viwanja. Orodha hii ni kwa maeneo ya Makongo,Buhembe na Nshambya.

Wote waliopata viwanja kwenye maeneo tajwa wanaombwa kuzingatia mambo muhimu yafuatayo:

               I.      Kukamilisha malipo ya kiwanja alichopata kupitia matawi ya Benki ya Posta:

Waliopata viwanja watembelee tawi lolote jirani la Benki ya Posta Tanzania kukamilisha malipo ya kiwanja (yaani Gharama halisi ya kiwanja kutoa gharama ya dhamana iliyowekwa wakati wa kuomba kiwanja).

Wakati wa kufanya malipo hayo, utapaswa kuonesha uthibitisho uliopewa na Benki ya Posta baada ya kulipa dhamana wakati wa kurejesha fomu ya maombi ya kiwanja.

NB: Ikumbukwe bei ya kiwanja inauzwa kwa mita ya mraba kama ifuatavyo:

        

Kwa mfano, malipo ya kiwanja cha makazi cha Buhembe na Nshambya chenye ukubwa wa 500m² gharama inakokotolewa kama ifuatavyo:-

(500m² x 3,000) – Dhamana. Kwa hiyo gharama yake itakuwa ni

1,500,000-200,000 = Tshs.1, 300,000

            II.      Muda wa kukamilisha malipo:

Kila aliyepewa kiwanja atapaswa kufanya malipo haya katika benki ya Posta kuanzia tarehe 02 Oktoba, 2012 hadi 03 Novemba, 2012.

NB: Taarifa ya malipo (kwa atakayehitaji ufafanuzi zaidi) inapatikana katika matawi  

         ya Benki ya Posta au Halmashauri ya Manispaa ya Bukoba kupitia simu 0689469965

         III.      Stakabadhi ya malipo kutolewa na Benki ya Posta:

Baada ya kukamilisha malipo, tawi husika la Benki ya Posta litawajibika kutoa stakabadhi ya malipo yenye mhuri wa Benki ya Posta.

         IV.      Kuoneshwa viwanja kwa waliopata viwanja:

Kwa wale waliofanikiwa kupata viwanja na kama watapenda kuoneshwa viwanja vyao, watapaswa kufika Halmashauri ya Manispaa ya Bukoba Idara ya Mipango Miji kwa ajili ya kuoneshwa maeneo yao baada ya kukamilisha malipo.

Ratiba ya kuoneshwa inapatikana Idara ya Mipango Miji na Ardhi Manispaa ya Bukoba.

            V.      Orodha ya waliopata/waliogawiwa viwanja katika maeneo mengine:

Zoezi la uchambuzi wa maombi kwa maeneo mengine yalioyobaki ya Ihungo, Rwome, Mugeza, Ijuganyondo  na Rwazi linaendelea, na inategemewa kwamba orodha ya waliopata viwanja itatolewa kabla ya tarehe 25 Oktoba 2012.

         VI.      Waliopata viwanja kwenye maeneo ya chaguo la pili:

Kutokana na kuwa na waombaji wengi wa viwanja kwenye baadhi ya maeneo, baadhi ya waombaji imelazimika kuwapeleka katika maeneo ya chaguo lao la pili au la tatu   kama walivyobainisha katika fomu za maombi ya viwanja.

      VII.      Maandalizi ya Hati miliki ya kiwanja:   

Hati miliki ya kiwanja itaandaliwa kwa wale ambao wamekamilisha malipo ya kiwanja. Mara baada ya kukamilisha malipo ya kiwanja, kila aliyepata kiwanja atapaswa kujaza tena majina yake kikamilifu, anwani na saini yake vitakavyotumika kuandaa hati miliki ya kiwanja. Taarifa hizi zitajazwa kwenye fomu inayopatikana benki ya Posta ambapo malipo yamefanyika.

Kama picha itatofautiana na ile iliyopo kwenye fomu ya maombi ya kiwanja, aliyepata kiwanja atapaswa kufika ofisi za Manispaa ya Bukoba kutoa uthibitisho wa mabadiliko hayo.

   VIII.      Orodha ya waliopata viwanja katika maeneo tajwa hapo juu ni kama ifuatavyo:

Tangazo hili linapatikana kwenye tovuti ya UTT na ya Mkoa wa Kagera

Muhimu:

 Karibu tuijenge upya Manispaa ya Bukoba.

Hamisi Kaputa

Mkurugenzi wa Manispaa,

Halmashauri ya Manispaa

BUKOBA

WALIOPATA  ENEO LA NSHAMBYA