KUKWEPA KODI NI AIBU NA SI UJASIRI ASEMA KATIBU TAWALA WA MKOA WA MARA CLEMENT LUJAJI KATIKA SIKU YA MLIPA KODI MUSOMA
Mgeni rasmi katibu tawala wa mkoa wa mara
clement lujaji akithubia
meneja wa tra mkoa wa mara aliyesimama joseph
kalinga akitoa taarifa ya ukusanyaji mapato kwa mgeni rasmi
wafanyabiashara wameonywa Kukwepa kodi kwani ni aibu na sio ujasiri walipe kodi kwa maendeleo ya taifa bila kodi taifa haiwezi kuendeshwa.
Hayo aliyasema leo wakati wa akihitimisha kilele cha siku ya mlipakodi mkoa wa mara ,sherehe hizo zilifanyika katika uwanja wa mkendo ulioko manispaa ya musoma
katibu tawala wa mkoa wa mara clement lujaji alisema kuwa dhana ya ulipaji kodi kwa hiari inalenga uelewa wa mlipaji kodi yeye mwenywe na maendeleo ya taifa na jamii nzima ambapo amesema kuwa kukwepa kodi ni aibu na sio ujasiri
aidha , aliwataka mamlaka ya mapato kupanua eneo la hamasa kuanzia ngazi ya kata kwa kuwashirikisha madiwani ili kuongeza walipa kodi, kauli mbiu ulipaji kodi kwa hiari kwa mafanikio ya taifa.
;;walipa kodi ni sisi tukilipa kodi tutaona zahanati zinajengwa ,shule, tra panueni mtandao kutolipa kodi ni aibu na sio ujasiri alisema lujaji
Awali akitoa taarifa ya ukusanyaji mapato kwa mgeni rasmi meneja wa Tra mkoa wa mara joseph kalinga alisema kuwa Mamlaka ya mapato ya mkoa wa mara imevuka malengo kwa kukusanya kiasi cha shilingi bilioni 23. na kuvuka lengo lililokusudiwa la shilingi bilioni 22.2 kwa kipindi cha julai hadi oktoba 2012. Kalinga amesema kuwa ili kufanikisha utoaji wa huduma yenye ubora wa hali ya juu nay a kuvutia kwa mlipakodi , idara ya huduma na elimu kwa mlipa kodi ,imekuwa ikitoa semina mbalimbali zenye lengo la kuwaelimisha walipa kodi sheria za kodi ,haki za mlipa kodi,wajibu wa mlipa kodi na wajibu wa mamlaka ya mapato imeongeza ushirikiano baina ya walipa kodi na watoza kodi pamoja na kuinua kiwango cha ulipaji kodi kwa hiari.
Meneja amesema kuwa hali ya makusanyo kwa mwaka wa fedha wa 2011/12,mkoa wa Mara ni sawa na asilimia 86 ya lengo lililowekwa hapo awali la kukusanya shilingi bilioni 63.5 kwa kuwa mamlaka imefanikiwa kukusanya shilingi bilioni 54.7
Aidha kalinga ameelezea changamoto zinazowakabili ni pamoja ongezeko la mahitaji ya mapato ya serikali katika kutekeleza mikakati yake ya kupambana na umasikini ,ukwepaji kodi kwa kupitia njia zisizo rasmi wakati wa kuingiza bidhaa nchini au kutoa bidhaa kwenda nje ya nchi,ukwepaji kodi kwa njia ya kutotoa risti sambamba na matumizi hafifu ya mashine za kutolea risti EFD) kwa wasiosajiliwa katika kodi ya ongezeko la thamani VAT.
Mamlaka kwa kushirikiana na vyombo vingine vya uthibiti ambavyo ni jeshi la polisi ,usalama wa taifa na uhamiaji vimeweka mkakati wa kukabiliana na changamoto inayohusu ukwepaji kodi kwa kutumia njia mbalimbali.
Naye mwenyekiti wa TCCIA mkoa wa mara bartazar dibogo amewataka mamlaka ya mapato kujenga mahusiano mazuri na walipa kodi na kamwe wasikubali kupewa rushwa na wafanyabiashara wapunguziwe makadirio ya mapato .Kauli mbiu ulipaji kodi kwa hiari kwa mafanikio ya taifa
Na Pascal Michael Buyaga
Musoma
Musoma
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
