SERIKALI YAZINDUA UTOAJI WA CHANJO MPYA ZA NIMONIA NA KUHARA MKOANI KAGERA
wajumbe wa kikao cha Huduma za Afya wakisikiliza kwa makini
Mwenyekiti wa kikao mkuu wa mkoa Mhe. Massawe akiongea neno
SERIKALI YAZINDUA
UTOAJI WA CHANJO MPYA ZA NIMONIA NA KUHARA MKOANI KAGERA
Serikali mkoani Kagera imezindua na kuweka mikakati ya kutoa chanjo mpya za Nimonia
(kichomi) na Kuhara (Rotavirus) kwa watoto wenye umri chini ya mwaka mmoja
ili kudhibiti madhara yanayotokana na magonjwa hayo ambayo hayakuwa na chanjo
hapo awali.
Mikakati hiyo iliwekwa na wajumbe wa kikao cha Huduma
za Afya za Msingi mkoa wa Kagera kilichofanyika jana tarehe 28/11/2012 katika
ukumbi wa ofisi ya mkuu wa Mkoa na kuongozwa na Mhe. Massawe Mwenyekiti wa
kikao hicho.
Katika
ufunguzi wa kikao hicho Mhe. Massawe alisema kuwa serikali ya Jamhuri ya
Muungano wa Tanzania imekuwa ikifanya juhudi kubwa katika kutoa chanjo za
kuwakinga watoto na akina mama na magonjwa mbalimbali kama kifua kikuu, Polio,
Surua, Dondakoo, Kifadro, na Homa ya
inni.
Magonjwa
ya
Nimonia na Kuhara ambayo hayakuwa
na chanjo hapo awali sasa chanjo yake imepatikana na serikali kupitia Wizara ya Afya na Ustawi wa
Jamii itatoa chanjo hizo Januari 2013.
Watoto wanaotarajiwa kuchanjwa mkoa wa Kagera ni 100,836 pia chanjo zitatolewa
Tanzania nzima.
Mkuu
wa Mkoa alisistiza kuwa chanjo hizo za Nimonia na Kuhara zitapunguza vifo
vya watoto na akina mama katika mkoa wa Kagera na Tanzania nzima ambapo alitoa
wito kwa viongozi wa ngazi zote kuwahamasisha wananchi kuwapeleka watoto ili
wakachanjwe muda utakapofika Januari 2013.
Mhe.
Masswe alitoa agizo kwa Halmashauri zote za mkoa wa Kagera kuhakikisha zinasimamia
sheria ndogo kwa wazazi na wananchi
watakaokataa kuwapeleka watoto wakachanjwe na kwa Halmashauri zisizokuwa na sheria ndogo zitunge sheria
hizo na kuzisimamia ili chanjo ifanikiwe kwa asilimia 100%.
Katika
chanjo ambazo zilitolewa mwaka 2011 mkoa wa Kagera zilifanikiwa kwa asilimia 87%,
mwaka huu 2012 asilimia 88.6% hii ni chini yakiwango cha kitaifa asilimia 95%.
Ambapo Mratibu wa Chanjo mkoa wa Kagera Bw. Jackson Minja alisema mkoa
umejipanga kutoa chanjo za Nimonia na Kuhara kwa asilimia 100%.
Mkoa
wa Kagera una jumla ya vituo 315 vya kutolea huduma za afya zikiwemo Hospitali
15, Vituo vya afya 32, na Zahanati 268 ambapo watumishi wa afya ni 665 asilimia
50% ya watumishi wote wanaohitajika na
upungufu ni watumishi 3186 ambapo mkoa na Halmashauri za wilaya zinaendelea
kuomba vibali vya ajira kuajiri watumishi wanaohitajika.
Imetolewa Na; Sylvester
Raphael
Afisa Habari Mkoa
KAGERA @2012
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
