RAIS MUSEVEN WA UGANDA ATAKA MAISHA YA WANANCHI WA MKOA WA KAGERA YABOREKE KUPITIA UFUGAJI WA KISASA
Wananchi wa Mkoa wa Kagera na Tanzania kwaujumla wamepokea zawadi ya ng’ombe 100 kutoka kwa Rais Yoweri Kaguta Museveni wa Uganada kwa ajili ya kuwaondolea umasikini na kuinua kipato cha maisha kwa kufuga na kuzingatia ufugaji bora na wenye tija hasa kwa mwananchi wa Kagera.
Ng’ombe hao (Nkole 50 na
Frijeni 50) walipokelewa na Waziri wa Nyumba na Maendeleo ya Makazi Mhe.
Profesa Anna Tibaijuka pamoja na Mkuu wa Mkoa wa Kagera Mhe. Massawe katika
eneo la Mtukula Wilayani Missenyi kati ya mpaka wa Uganda na Tanzania tarehe
20/12/2012 siku ya Alhamisi.
Rais Museveni alitoa zawadi hiyo kwa Watanzania baada ya Profesa Anna Tibaijuka na
Mhe. Massawe kuongoza kikundi cha Wakulima na Wafugaji kutoka mkoani Kagera
kwenda nchini Uganda na kufanya ziara ya
mafunzo kuhusu ufugaji na kilimo cha kisasa mwishoni mwa mwaka jana 2011.
Baada ya Rais Museven
kuwapokea wakulima hao na kuwaonyesha jinsi wananchi wake walivyonufaika na ufugaji
wa kisasa pia kilimo cha kisasa alihaidi kuwa angetoa ng’ombe mia moja kwa
ajili ya wakulima hao ili wakajifunze kwa vitendo na kufuga ufugaji wa kisasa.
Ng’ombe hoa waliwasili
mpakani mtukula chini ya uangalizi mkubwa wa Daktari Mshauri Mwandamizi Mambo
ya Mifugo Ikulu nchini Uganda, Daktari Sam Byagagaire. Jambo la kushangaza na
kustaajabisha kati ya Ngo’mbe hao mia moja watatu walizalia njiani na kufikisha
idadi ya jumla ya 103.
Baada ya kupokelewa mifugo
hao walipelekwa katika kituo cha kilimo cha Maruku ambapo watakuwa wanatunzwa
hapo na kutumika kwa mafunzo ambapo Mkuu wa Chuo hicho Daktari Jackson Nkuba
alisema hiyo ni nafasi nzuri ya wanafunzi wake kujifunza kwa vitendo kwani hapo
awali walikuwa na ng’ombe wanne tu pia na kufanya utafiti halisi wa mifugo
kupitia ng’ombe hao.
Aidha Mkuu wa Mkoa wa
Kagera alitoa shukrani zake kwa Rais Museven kwa kutoa zawadi hiyo ambapo alisema kuwa nchi za Tanzania na
Uganda zinashirikiana na zina mahusihano mazuri
na kuwaomba wananchi kuchukua nafasi hiyo kujifunza ufugaji bora ili
kuinua hali zao kupitia fursa hiyo ya zawadi ya ng’ombe 100.
Na; Sylvester
Raphael
Afisa Habari Mkoa
KAGERA @2012
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
