SERIKALI YA MKOA KAGERA YATOA ZAWADI NA HERI YA SIKU KUU ZA NOELI NA MWAKA MPYA KWA WATOTO YATIMA NA WAZEE
Katika kusherekea Siku Kuu za
Kuzaliwa kwa Kristo Mkombozi na kufunga mwaka 2012 Mkuu wa Mkoa wa
Kagera Mhe. Massawe akiiwakilisha serikali ya mkoa wa Kagera ametoa zawadi kwa
watoto yatima na Wazee wasiojiweza ili kushiriki na makundi hayo maalum katika
kusherekea Siku Kuu hizo.
Mkuu wa Mkoa alitoa zawadi hizo tarehe 24/12/2012 Ikulu ndogo ya
mkoa alisema katika kusherekea Siku Kuu za mwisho wa mwaka serikali inaungana
na wananchi wake hasa wale ambao ni makundi maalum ili kusherekea nao ili na
wao wajisikie kuwa serikali yao ipo nao katika kuadhimisha Siku Kuu hizo.
Vituo vilivyopata zawadi ni
pamoja na vituo vya kulelea watoto yatima ambavyo ni UYACHO Hamgembe, Nusuru
Yatima (Kashai), ELCT Tumaini Center (Kyakailabwa), vyote vya Manispaa ya
Bukoba. Pia kituo cha kuwatunza wazee Kiilima, na Kituo cha watoto Yatima Ntoma Halmashauri ya Wilaya Bukoba.
Zawadi zilizotolewa ni
pamoja na mchele kilo 100, mafuta ya uto lita 20, mbuzi 1, na sukari kilo 50 kwa
kila kituo kwa vituo vitano vilivyoainishwa hapo juu na gharama za zawadi hizo
jumla ni shilingi 2,000,000/=
Aidha Mhe. Massawe alitumia
nafasi hiyo kuwatakia heri na fanaka za
Siku Kuu wananchi wote pia na wageni waliokuja mkoani kusherekea Siku Kuu hizo za Noeli na mwaka Mpya.
Aliwahakikishia wananchi hao kuwa washerekee kwa amani na utulivu na ulinzi na usalaama umeimarishwa kwa kipindi
hiki cha Siku kuu za mwisho wa mwaka.
Pamoja na kutoa heri hizo
za Siku Kuu Mhe. Massawe alitoa taadhari kwa wananchi kujiwekea tahadhari
katika maeneo yao ya makazi kwani kwa wakati huu kuna majambazi wengi,
“Tusiache nyumba zetu bila mtu hata mmoja wakati wa Siku Kuu, pia kuepuka ulevi
wa kupindukia na kuzingatia sheria za usalama barabarani kwa kutembea mkono wa
kulia kwa watembea kwa miguu badala ya mkono wa kushoto ambapo si rahisi kuona
gari linalotoka nyuma yako.” Alisistiza
Mkuu wa Mkoa.
Mkuu wa Mkoa alihitimisha
kwa kusistiza wazazi na wananchi wote wa mkoa wa Kagera kuhakikisha wanawatunza
watoto wakati wote wa Sikuu Kuu ili kuepuka watoto wasipatwe na madhara ya
kupotea au kugongwa na magari pale watakapoachwa bila uangalizi na wazazi wao.
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
