Bukobawadau

JESHI LA ZIMA MOTO LATOA MAFUNZO YA KUKABILIANA NA MAJANGA YA MOTO KWA WATUMISHI WA OFISI YA MKUU WA MKOA KAGERA

BUKOBAWADAU
16 Jan, 2013


  Moto ukiwashwa na Afisa wa Jeshi la Zima Moto Mkoa Kagera Tayari kwa Mafunzo kwa Vitendo
 Afisa wa Jeshi la Zima Moto Mkoa Kagera Bw. James Kisaka Akionyesha Mfano Jinsi ya Kuzima Moto Kwenye Chanzo.
 Mtumishi wa Ofisi ya Mkuu wa Mkoa wa Kagera Akijifunza Kwa Vitendo
 Huyu Mama Anaitwa Consolatha Mtumishi wa Ofisi ya Mkuu wa Mkoa Kagera Hakubaki Nyuma Katika Mafunzo Hayo
 Bw. Richard Kwitega Katibu Tawala Msaidizi Utawala na Utumishi Akijaribu Kama Mtungi una Gesi ili Akazime Moto, Hiyo ni Hatua ya Kwanza Kabla ya Kuekea Kwenye Chanzo cha Moto
 Hawa ni Maafisa Jeshi la Zima Moto Mkoa Kagera Walishiriki Kutoa Mafunzo
 Watumishi Wote Wakipata Maelezo ya Mwisho Baada ya Kupata Mafunzo kwa Vitendo.

Jeshi la Zima Moto Mkoani Kagera laendesha mafunzo ya tahadhari na hatua mbalimbali za kuzima na kudhibiti moto pale unapokuwa umetokea katika sehemu mbalimbali hasa kwenye majengo. Mafunzo hayo yametolewa kwa watumishi wa ofisi ya Mkuu wa Mkoa wa Kagera  leo tarehe 15/01/2013.
Kutokana na watumishi pamoja na wananchi walio wengi kutokuwa na elimu ya kujikinga au kuzuia moto unapotokea, Ofisi ya Mkuu wa Mkoa Kagera iliona ni vyema kuwapiga msasa watumishi wake ili kujiweka tayari endapo ajali ya moto inaweza kutokea iwe nyumbani au ofisini kwa watumishi.
Katika mafunzo hayo yaliyotolewa kwa nadharia na vitendo yalijikita katika aina za moto, na ni jinsi gani unaweza kuzima au kuzuia aina hiyo ya moto. Aina hizo za moto ziko katika madaraja manne ambayo ni daraja A, ni aina ya moto unaotokea kutokana na uoto wa asili (sold fire).
Daraja B, moto huu hutokana na mafuta , Daraja C, ni moto unaotokana na gesi, na daraja la mwisho ni D,  moto unaotokana na vyuma vizito mfano  viwandani.  Moto unaotokana na uoto wa asili unaweza kuzimwa na maji aidha madaraja mengine yanaweza kuzimwa na povu, au aina ya poda kavu (dry powder).
Aina  hizi za gesi na poda kavu  vinavyotumika kuzimia moto vinahifadhiwa kwenye vifaa maalum ambavyo hujulikana  kama mitungi. Watoa mafunzo kutoka Jeshi la zima moto Kagera wanashauri mitungi hiyo kufanyiwa ukarabati kila mara baada ya miezi sita.
Aidha Jeshi hilo lilitoa ushauri kwa watumishi na wananchi wote kuwa, janga la moto linapotokea katika majengo, jambo la kwanza ni kuhakikisha wewe mwenyewe kwanza upo salaama pale king’ora kinapolia kwa ofisi zilizo na ving’ora hivyo na baadae unaweza kuchukua hatua za kuanza kuzima moto uliotokea.
Mafunzo katika vitendo kwa  watumishi na wananchi waliokuwepo katika eneo la viwanja vya Bukoba Club waliweza kupata wasaa wa kujaribu kwa  vitendo kuzima moto na kuuliza maswali mengi ambayo walikuwa hawana elimu nayo na  kupata ufafanuzi kutoka kwa maafisa wa Jeshi la Zima Moto.
Tahadhali, Jeshi la Zima Moto  Mkoani Kagera limetoa wito na tahadhali kwa wananchi wa mkoa wa Kagera kujikinga na ajali za moto kwa kutoacha watoto peke yao nyakati za usiku, aidha pia wanannchi walihamasishwa kufunga  vifaa maalum vinavyohisi moto na kutoa taarifa katika nyumba zao ambapo siyo vya gharama kubwa kama wananchi walio wengi wanavyodhani.
Na;         Sylvester Raphael
Afisa Habari Mkoa
KAGERA @2013
BUKOBAWADAU

BUKOBAWADAU

Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau

Next Post Previous Post
Bukobawadau