MUTUKULA NA WIZI WA MCHANA KWEUPE.
.jpg)
Tanzania tumejenga imani kuwa raia wake ni huru na nchi inayoendeshwa kwa mujibu wa sheria na
utawala bora na sio nchi ya kidikteta. Mutukula hali hii ni tofauti kwa raia wake ambao ni
mchanganyiko wa mataifa jirani waganda,wanyarwanda, na warundi. Nilikuwa nafanya utafiti kwa nini
waganda wamechelewa kujifunza kuongea Kiswahili fasaha ukilinganisha na wenzao. Jibu limejitokeza
kuwa lugha hii ilitumiwa na askari majambazi na wahalifu ambao walikuwa wamesheheni jeshi la Iddi
Amin miaka ya sabini. Hivyo wakachukulia lugha hii kuwa ni lugha ya wahalifu wasiokubalika katika jamii.
Wahalifu wa Iddi Amin ambao mara nyingi walifanya vitendo vya uhalifu wakati wa usiku raia waliweza
kuwatambua kwa lugha waliyokuwa wakiitumia (ua yeye, piga yeye) lakini si kwa sura.Raia wazawa wa
maeneo ya Mutukula na maeneo jirani wanafahamu haya yote na ni mashahidi wa kuongea
yaliyowasibu baba zao na mama zao. Zaidi ya miaka 30 sasa tangu nyakati hizo bado kuna wizi na
ujambazi ambao umegeukia upande wa Tanzania wala sio Uganda. Baadhi ya maafisa wa serikali
wanatumia nyadhifa zao kudhulumu raia mizigo yao mchana kweupe na kuichukua majumbani mwao
kwa matumizi binafsi. Juzi nilikutana na kijana Honesty Bujune(0785301912) analia kwa sababu
alinyang’anywa boksi la majani ya chai na Ofisa anayefanya kazi Ofisi za TRA Mutukula kwa sababu
amekosa hongo la shilling 10,000/= alizoamrishwa ampatie ili arudishiwe mzigo wake.Kisa ni kwamba
alikutana naye barabarani akadai ampatie elfu kumi ili asimkamate alivyombembeleza akamtishia
kumpeleka polisi. Na hivyo mzigo huo ukawekwa kwenye gari lake na kuupeleka nyumbani kwake kwa
matumizi binafsi. Imedaiwa kuwa sasa hivi wasafiri wengi wanadhulumiwa vitu vyao na ofisa huyu na
kuvipeleka nyumbani kwake kwa mtindo kama huu. Tunajua kuwa maafisa wa forodha wako Mutukula
kwa maslahi ya Taifa na si kwa maslahi ya matumbo yao binafsi. Je huu ndio mfumo mpya ulioanzishwa
na wenzetu wa ushuru wa forodha? Meneja wa TRA Kagera/Kamishina wa TRA wana taarifa hizi?
Usumbufu hapa Mutukula umekithiri kutokana na Afisa kama huyu asiyejali maadili ya kazi zake
tunaomba serikali iliangalie hili.
Fumbuka
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
%20copy.jpg)