AOMBA MSAADA WA MAKAZI BORA
Akizungumza na Bukobawadau jana kijijini humo bibi huyo aliyetambuliwa kwa jina la Nastazia Mathayo
(87) anasema alizaa watoto 10 kati yao wa kike walikuwa wanne na
walishafariki na wanaume walibaki watatu lakini
wana maisha duni kiuchumi
Alisema kuwa mume wake alifariki miaka mingi iliyopita
na alikuwa na mali hasa mifugo lakini haikuweza kuendelezwa kutokana na sababu
mbalimbali na hatimaye familia nzima kubaki maskini
Alisema katika maisha yake nyumba anayolala ni ya
kupindisha fito na kuezekwa kwa makuti ya migomba ambayo huwekwa shambani
kuzuia kuota kwa magugu na wakati wa mvua huadhilika na kiangazi makuti hayo
hushambuliwa na mchwa
“Maisha yangu na
wajukuu wangu ni kuogopa kulala
peke yangu lakini mwanangu mvua jua na baridi vyote hunikuta mimi na sijapata
msaada hata kwa uongozi wa kijiji”Alisema Nastazia
Aidha alisema msaada mwingine ni kuhitaji kupata
lishe kwani anakula chakula ambacho ni cha kubabaisha kwani hana nguvu za
kujishughulisha na kilimo bali
hujitafutia baada ya kutegemea kulima nmagugu kwenye mashamba ya watu
Ngudu wa karibu na bibi huyo ni wafanyakazi wa kituo
cha Afya mabawe wanaotoka sehemu mbalimbali na kuajiriwa eneo hilo na wenye
moyo wa huruma ndio humpatia mahitaji
kwa uchache kulingana wanavyotumwa na
mioyo yao
Baadhi ya wananchi waliohojiwa na gazeti hili
wamesema kuwa bibi huyo alikuwa na mifugo mingi na akaitumia bila malengo sasa
anajutia hali hiyo baada ya kufanya matumizi bila kuendeleza wtoto wake
walipokuwa niwadogo
Mmoja wa wananchi hao Jumanne Kazosi alisema pia
bibi huyo amekuwa akikumbwa na matukio ya kuunguliwa nyumba bila kupata madhara
na kumuingiza katika Imani za ushirikina alisema kutokana na matukio hayo
Alisema wananchi walikuwa wakimsaidia miti kwa ajili
ya kujenga nyumba ya kujihifadhi ingawa wanakijiji hawajawahi kuungana pamoja
kuona umuhimu wa kusaidia wasiojiweza kiuchumi licha ya kuchangishana fedha za
arusi kila kukicha
Hata mtoto
wake wa kiume Paulo Mathayo Rulenga
alisema yeye ni mgonjwa ana ulemavu wa macho ndugu yake mwingine Agustini
Mathayo anasumbuliwa na tezi la shingo na mwenzao kalenzo akili yake sio timamu
Katika hatua nyingine Afisa mtendaji wa kijiji cha Murugina Joseph Festo alisema baadhi ya wananchi walimnyanyapaa kwa sababu ambazo sio za
msingi (hakuzitaja) lakini mpango uliopo
ni kuelimisha jamii kusaidia wasiojiweza
Alisema katika mipango ya maendeleo kwa sasa
wanapanga kuzibana taasisi za dini na madhehebu yake kujenga nyumba za ibada na
kuwafikia wananchi maskini kwa kuwapa matumaini ya maisha kwa kuhakikisha
wanasaidiwa changamoto zao
Aliongeza kuwa pamoja na misaada kuhitajika kwa
wasiojiweza bado idara ya maendeleo na ustawi wa jamii pamoja na SAWATA
hazijafika vijijini kubaini wananchi maskini wasiokuwa na jamaa wa kuwasaidia
maisha.
Jitihada
za kuwapata maafisa maendeleo na ustawi wa jamii hazikufanikiwa baada
ya kufika katika ofisi zao na kuwakosa wasemaji wa idaa hiyo ambapo
mkurugenzi wa halmashauri ya wilaya ya Ngara Cornel Ngudungi anahudhuria
vikao vya serikali za mitaa mkoani Tanga.
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
%20copy.jpg)