SERIKALI YAWATOA HOFU WAFANYABISHARA

Mkurugenzi wa Huduma za Uchukuzi kutoka Wizara ya Ujenzi na Uchukuzi (Sekta ya Uchukuzi), Mhandisi Aron Kisaka (wa pili kulia) akitoa maelekezo kwa Meneja wa Bandari ya Tanga, Mhandisi Masoud Mrisha (mwenye Kaunda suti nyeusi), wakati alipokagua maendeleo ya ukarabati wa reli inayoingia Bandari ya Tanga jijini humo hivi karibuni.

Kichwa cha treni chenye namba 8801-TRL kikifanya majaribio kwenye njia ya relu kuingia katika Bandari ya Tanga.

Picha na WUU

SERIKALI YAWATOA HOFU WAFANYABISHARA

Serikali imewahakikishia wafanyabiashara wa mikoa ya Tanga, Arusha, Kilimanjaro na Manyara kuwa itaendelea kuboresha miundombinu na mifumo ya usafirishaji ili kurahisisha shughuli za usafiri na usarishaji wa abiria na mizigo baina ya mikoa hiyo na nchi jirani.

Akizungumza jjini Tanga mara baada ya ukaguzi wa maboresho ya reli inayoingia bandari ya Tanga Mkurugenzi wa Huduma za Huduma za Uchukuzi-Sekta ya Uchukuzi ambaye pia ni Kaimu Mwenyekiti wa Kamati ya Maboresho ya Bandari ya Tanga, Mhandisi Aron Kisaka, amesema kukamilika kwa ukarabati na kukabidhiwa kwa sehemu ya gati lenye mita 300 lazima uende sambamba na maboresho ya miundombinu mingine ili kurahisisha utoaji wa mizigo bandarini.

“Kama wataalam tunazingatia sana utekelezaji wa miradi kwenye maeneo yote hatuwezi kuboresha bandari hii tukaacha kutizama miundombinu saidizi iko kwenye hali gani, kwa hatua hii iliyofikiwa matokeo yameanza kuonekana ambapo ongezeko la mizigo kwa mwezi Septemba kwenda Oktoba limefika asilimia 41%,” alisisitiza Mha. Kisaka

Mhandisi Kisaka amesema lengo la Bandari ni kuhakikisha mzigo unaingia na kutoka kwa haraka ili kuongeza ufanisi na kuongeza zaidi shehena ya mzigo unaohudumiwa na bandari hiyo.